Segundo a obra de Vázquez Seijas, D. Manuel, 1958 “Fortalezas de Lugo y Provincia”, o castelo descansa sobre unha rocha cortada a pico polo seu ángulo N.E; polo E. forma un pronunciado declive, e polo S.O. e N.O., catro profundos fosos defensivos constituídos por montículos de terra de ampla base, a modo de cabalete, cunha profundidade de 8 a 10 metros e cun ancho de 5 a 6 metros, servíndolle de firme e poderosa defensa. A torre é de forma cadrada, de aproximadamente 10,20 metros de ancho e duns 25 metros de altura cun espesor aproximado das paredes de 2,65 metros. Constaba de 4 plantas, unha porta de entrada de arco de medio punto de 3 metros de altura e 1,10 metros de ancho, unha ventá no primeiro andar de arco combado enmarcada en granito e dúas saeteras con abertura estreita de forma vertical situadas no segundo e terceiro andar. D o alto da torre aínda se poden observar algúns restos das almeas máis da cheminea polo seu ángulo S.O. Vázquez Seijas, D. Manuel. 1958 “Fortalezas de Lugo y Provincia”.