O CANCIONEIRO Todas as pezas musicais presentadas neste Cancioneiro foron o resultado dun extenso labor de recollida a veciños e veciñas da parroquia de San Martiño de Pino (Cospeito, Lugo), feita por membros de grupo folk Veria nos anos 2004-2005-2006. Foron momentos moi fermosos e de moita emoción ó carón destas grandes persoas que nos deixaron un legado cultural propio da comarca. Agradecementos a todos eles, a Antonio da Ermitas por ensinarnos tanto sobre a gaita galega, a Antonio Camba por cantarnos extensas cantigas e contarnos tantos contos antigos da parroquia, e a Josefa da Fraga por ensinarnos as cancións e cantigas que dende pequena tocaba coa súa familia ó carón da lareira con pandeiros e pandeiretas. A todos eles, GRAZAS!! Dúas pezas musicais populares da recollida foron interpretadas polo grupo folk Veria entre 2004 e 2006 (a gaita do Crisóstomo e a Jota da Costoira), grupo do que formamos parte no seu día, e as demáis pezas da recollida foron representadas, gravadas e mesturadas por produción propia: Xesús Álvarez (acordeón, arpa celta e arranxos), Avelino Roca (voz e percusión) e Suso Pena (ocarina, gaita galega e frautas).

Estamos traballando en novas gravacións

que proximamente poderedes disfutar!!